Self storage просториите се наменети за:

• Физички лица – складирање на мебел, електрични апарати и покуќнина поради реновирање, селење или едноставно поради потреба од дополнителен простор.
• Правни лица – интернет продавници, текстилни продавници, книжариници, маркетинг агенции, продукциски куќи, складирање на канцелариски мебел и др. Складирање на храна, пијалоци и артикли кои доаѓаат во контакт со храна не е дозволено.

Блиску до зградата е сместена и курирската служба Брза Пратка што дополнително го олеснува работењето на е-продавниците кои имаат простор во Свој Склад.

Магацинската зграда е градена по ЈУ стандарди, истата е од тврда градба со стабилна температура и без влага, чиста, добро осветлена, безбедна, со одделни машки и женски тоалети на ниво на спрат.

ХТП дозвола – Хигиенско техничкаta дозвола издадена од надлежните органи потврдува дека објектот ги исполнува потребните хигиенско-технички услови и стандарди. Оваа дозвола потврдува дека објектот е безбеден за јавното здравје и дека нема да предизвика штетни ефекти врз животната средина или луѓето, a во исто време потврдува дека стоката складирана во објектот е безбедна од надворешни влијанија. Без оваа дозвола компаниите не можат да увезат стока од странство.

Подот е од армиран бетон со носивост од 1т/м², над него има бетонска кошулица врз која е нанесен феробетонски премаз.

Нашите магацини се опслужуваат со неколку теретни лифтови (секој со носивост од 1,5т), утоварна рампа за шлепери (H=1,1м). Објектот е под 24 часовен видео надзор.

Висината на таванот е 3,45м, а кај носечки столбови висината е 3,00м .

На нашите закупци бесплатно им следува послужување со нашите рачни вилушкари (палетари) и колички.

Магацинската зграда е оддалечена 500м од автопатот (клучка Ченто) на влезот во Скопје, до паркингот на зградата има директен влез од главната улица (Благоја Стефковски).

Дворот е целосно асфалтиран, доволно е простран за манипулација на комбиња, камиони и шлепери. Има доволен број на паркинг места за коли и комбиња, и можно е кружно движење на возилата околу објектот.

Шлеперите може да се паркираат паралелно или нормално на објектот за утовар или истовар.

Утоварната рампа е под настрешница што овозможува утовар или истовар во секакви временски услови, и истата е одлично осветлена овозможувајќи утовар или истовар во секое време од денот.

*  За договор за закуп склучен и платен за 1 година. За пократок период цената е различна. Важат нашите правила и услови.